Lopidesign
Lopidesign er safn prjónauppskrifta sem hannaðar eru sérstaklega fyrir Lopa frá Ístex.
Ístex gefur árlega út uppskriftabækur fullar af einstökum og skapandi uppskriftum hönnuðum af hönnuði Ístex og Lopa.
Við hjá Lopidesign bjóðum upp á hágæða uppskriftir sem eru nýstárlegar og auðveldar að prjóna.
Védís Jónsdóttir er hönnuður okkar. Védís hannar mikið af uppskriftum okkar en sér einnig um að hanna liti fyrir allt band. Einnig hefur Ístex lengi verið í samstarfi við marga íslenska hönnuði.
Ístex framleiðir handprjónaband úr íslenskri ull og má þar nefna Álafosslopa, Einbandi, Jöklalopa, Léttlopa og Plötulopa.
Ístex
Ístex var stofnað til að halda áfram íslenskum ullariðnaði sem hófst í Mosfellsbæ árið 1896. Ístex kaupir beint af bændum og vinnur um 98-99% af allri íslenskri ull. Íslenskir bændur eiga meira en 90% í fyrirtækinu.
Skuldbinding okkar við Lopi er að bjóða hágæða vörur úr íslenskri ull til viðskiptavina sem velja náttúrulegt, sjálfbært og vistvænt líf. Ullin okkar er OEKO-TEX Standard 100 vottuð.
Heimsæktu Ístex til að vita meiraumokkur og Lopivörurnarokkar.
Íslenska sauðkindin
Íslenska sauðkindin hefur fylgt Íslendingum frá landnámi. Stofninn hefur haldist einangraður í gegnum aldirnar og er einstakur.
Á Íslandi eru 400-500 þúsund fjár og meðalbú með 200-300 kindur. Mikið og öflugt eftirlit er með velferð sauðfjár á Íslandi. Féið gengur ekki auðveldlega úr reyfinu og því er rúningur mikilvægur hluti af velferð þeirra. Flestir velja að rýja tvisvar á ári, að hausti og vori.
Íslenska sauðkindin heitir Ovis aries borealis á latínu.
Íslenska ullin
Ull af íslensku sauðfé skiptist í þel og tog. Aðeins örfá sauðfjárkyn af þeim hundruðum sem til eru í heiminum í dag eru með slíka tveggja hára uppbyggingu.
Þel íslensku ullarinnar er fínt, mjúkt og óreglulega liðað. Hárin falla því ekki þétt hvert að öðru sem gefur ullinni fyllingu. Þelið heldur í sér miklu lofti, hefur góða öndunareiginleika, einangrar vel og er létt í sér.
Tog er lengra og grófara en þelið. Það er slétt og vatnsfráhrindandi. Togið myndar verndarhjúp um þelið og ver féið fyrir vindi og veðrum. Toghárin gefa íslensku ullinni styrk og strúktúr.
Velferð dýra
Reglugerð um velferð sauðfjár er mjög ströng á Íslandi, bæði hvað varðar sjúkdóma og meðhöndlun dýra. Yfir sumartímann fær sauðfé að ganga frjálst um fjöllin og njóta íslenskrar veðráttu. Rúningur fer fram á bóndabæjum undir eftirliti bóndans sem ber velferð dýra sinna fyrir brjósti.
Nánari upplýsingar má finna hér Matvælastofnun, MAST
Védís Jónsdóttir, hönnuður
Védís Jónsdóttir, yfirhönnuður hjá ÍSTEX, leggur ástríðu sína og sköpunargáfu í hvert verk sem hún hannar. Með margra ára reynslu í ullariðnaðinum hefur hún djúpan skilning á íslenskri ull og hannar líflega liti, fallegar prjónauppskriftir og notaleg ofin teppi. Hver sköpun hennar er einstök. Innblástur hennar á rætur sínur að rekja í íslenska náttúru.
